20 اپریل ، 2012 
صنعت کار غلط ری فنڈ کلیمز دسمبر تک واپس کردیں،ایف بی آر
20 اپریل ، 2012
اسلام آباد…ایف بی آر نے اربوں روپے مالیت کے غلط ری فنڈ کلیمز جمع کرانے والے صنعت کاروں کی نشاندہی کرکے دسمبر تک تمام رقم واپس کرنے کا مطالبہ کردیا ۔تاجروں اور صنعت کاروں کی جانب سے ایف بی آر میں غلط ریفنڈ کلیمز جمع کرانے کے معاملہ پر مذاکرات ہوئے جس میں ایف بی آر نے 7 سے 8 ارب روپے کے غلط کلیمز جمع کرانے والے 4 ہزار صنعت کاروں اور تاجروں کی نشاندہی کی ہے۔ ایف بی ار نے مطالبہ کیا کہ یہ صنعت کار حاصل کی گئی رقوم دسمبر 2012 تک یکمشت یا قسطوں میں ایف بی آر کو واپس کردیں، صنعت کار اس سلسلے میں پوسٹ ڈیٹڈ چیک بھی دے سکیں گے۔ایف بی آر نے مختلف صنعتی چیمبرز کو یقین دہانی کرائی ہے کہ کسی تاجر کو ہراساں نہیں کیا جائے گا اور ناہی چھاپے مارے جائیں گے۔ ایف بی آر نے اس مسئلے کے حل کے لیے تمام چیمبرز کے نمایندوں پر مشتمل کمیٹی بھی تشکیل دیدی ہے
مزید خبریں :
رمضان المبارک میں بینکوں کے اوقات کار جاری
03 مارچ ، 2025
آپ کو اس سال کتنی زکوٰۃ دینا ہوگی؟ خود کیلکولیٹ کریں
01 مارچ ، 2025
مسلسل پانچویں روز کمی، پاکستان میں سونا مزید سستا ہوگیا
01 مارچ ، 2025
