12 اکتوبر ، 2014 
محسود قبیلے کا آئی ڈی پیز کی باعزت گھروں کو واپسی کا مطالبہ
12 اکتوبر ، 2014
پشاور.......محسود قبیلے نے حکومت سے مطالبہ کیا ہے کہ وزیرستان کے جن 90 فیصد علاقوں کو شدت پسندوں سے کلیئر کیا گیا ہے، ان علاقوں کے آئی ڈی پیز کو باعزت طور پر گھروں کو واپس جانے کی اجازت دی جائے۔ پشاور کے باغ ناران میں محسود قبائل کا جرگہ ہواجس میں محسود قبائل سمیت دیگر اقوام کے نمائندوں نے بھی شرکت کی ۔ جرگہ سے خطاب میں قبائلی عمائدین کا کہنا تھا کہ محسود قوم کو ایک ہفتے میں علاقہ کلیئر کرنےکی یقین دہانی پر وزیرستان چھوڑنے کا کہا گیا تھامگر7 سال گزرنے کے باوجود ان کی واپسی کے بارے میں کوئی بات کرنابھی گورا نہیں کرتا ۔ جرگہ اراکین کا کہنا تھا کہ اگر شمالی و جنوبی وزیرستان کے 90 فیصد علاقے شدت پسندوں سے پاک کیے گیےہیں تو وہاں کے آئی ڈی پیز کو واپس جانے کی اجازت کیوں نہیں دی جاتی؟ جرگہ نے نقصانات کے ازالے کے ساتھ جلد باعزت واپسی کا مطالبہ دھراتے ہوئے کہا کہ جائز مطالبات منظور نہ کئے گئے تو وہ بھی اسلام آباد کے ریڈ زون میں دھرنا دیں گے۔
مزید خبریں :
کراچی میں آج اور کل گرج چمک کے ساتھ بارش کا امکان
9 گھنٹے پہلے
سندھ میں آج آندھی اور گرج چمک کے ساتھ بارش کی پیشگوئی
16 جون ، 2025
