پاکستان
22 اکتوبر ، 2014
22 اکتوبر ، 2014 
خلافِ ضابطہ تقرری اور ترقی کیس:سندھ حکومت کو توہینِ عدالت نوٹس
22 اکتوبر ، 2014
اسلام آباد.........خلافِ ضابطہ تقرریوں اور ترقیوں سے متعلق کیس میں سپریم کورٹ نے سندھ حکومت کو توہینِ عدالت کا نوٹس جاری کردیا۔ سپریم کورٹ میں سندھ کے سرکاری محکموں میں خلاف ضابطہ تقرریوں اور ترقیوں سے متعلق کیس کی سماعت چیف جسٹس ناصر الملک کی سربراہی میں تین رکنی بنچ کر رہا ہے۔ عدالت نے حکومت سندھ میں 20سابقہ اورموجودہ افسران کے تقرر پر حکومت سندھ سے جواب طلب کرلیا ہے۔20 افسران میں 2سابقہ چیف سیکرٹریزبھی شامل ہیں۔عدالت نے اپنے ریمارکس میں کہاکہ 2013ء میں سپریم کورٹ نے خلاف ضابطہ ترقیوں سے متعلق واضح حکم دیا تھا، احکامات پر عمل کیوں نہیں کیا گیا؟عدالت نے سندھ حکومت کو توہین عدالت کا نوٹس جاری کرتے ہوئے 2 دن میں جواب طلب کرلیا۔
