پاکستان
22 اکتوبر ، 2014
22 اکتوبر ، 2014 
بھارتی فوج کی ورکنگ باؤنڈری پر آج پھر بلااشتعال فائرنگ
22 اکتوبر ، 2014
سیال کوٹ ........بھارتی فوج نے آج پھر سیال کوٹ کے قریب ورکنگ باؤنڈری پر بلااشتعال فائرنگ کی ۔ پاک فوج نے بھارتی جارحیت کا بھرپور جواب دیا۔ آئی ایس پی آر کے بیان میں کہا گیا ہے کہ بھارتی فوج نے آج ورکنگ باؤنڈری کے قریب چار واہ سیکٹر میں دیہی آبادی پر بلااشتعال فائرنگ کی۔ پاکستانی فورسز نے بھارتی فائرنگ کا منہ توڑ جواب دیا۔ بھارتی فورسز نے کئی ہفتوں سے ورکنگ باونڈری اور لائن آف کنٹرول پر بلااشتعال فائرنگ اور گولا باری کررہی ہے۔ بھارتی اشتعال انگیزی کے نتیجے میں اب تک متعدد پاکستانی شہید ہوچکے ہیں اور بڑے پیمانے پر مالی نقصانات ہوئے ہیں۔
