23 اپریل ، 2012 
آئی پی ایل:کولکتہ نے دکن کو پانچ وکٹوں سے ہرادیا
23 اپریل ، 2012
کٹک…انڈین پریمیئر لیگ کے اتوار کو ہونے والے دوسرے میچ میں کولکتہ نائٹ رائیڈرز نے دکن چارجرز کو پانچ وکٹوں سے شکست دیدی۔مشرقی بھارت کی ریاست اڑیسہ کے شہر کٹک کے بارہ بتی اسٹیڈیم میں ہونے والے اس میچ کا ٹاس کولکتہ کے کپتان گوتم گمبھیر نے جیت کر دکن کو پہلے بیٹنگ کی دعوت دی ۔دکن کے لیے یہ دعوت کچھ زیادہ اچھی ثابت نہ ہوئی اور اسکی ٹیم سات وکٹوں کے نقصان پر مقررہ بیس اوورز میں 126تک محدود رہی۔شیکھر دھاون 50قابل ذکر بیٹسمین تھے۔کولکتہ کی جانب سے لکشمی پتی بالاجی اور سنیل نارائن نے دو دو وکٹیں اپنے نام کیں۔جواب میں کولکتہ نے مطلوبہ ہدف 19اوورز میں پانچ وکٹیں کھوکر 127رنز بناکر پوراکرلیا۔جس میں کپتان گمبھیر 30، جیک کیلس 23اور منوج تیواڑی قابل ذکر بیٹسمین تھے۔دکن کی جانب سے ڈیل اسٹین نے دو وکٹیں لیں۔یاد رہے کہ یہ میچ جیو سوپر پر براہ راست کٹک سے دکھایا گیا۔
