23 اپریل ، 2012 
رائل چیلنجر بنگلور نے راجستھان رائلز کو 46رنز سے شکست دیدی
23 اپریل ، 2012
جے پور…انڈین پریمیئر لیگ کے پیر کو ہونے واحد میچ میں رائل چیلنجر بنگلور نے راجستھان رائلز کو 46رنز سے شکست دیدی۔جے پور کے سوائی مان سنگھ اسٹیڈیم میں ہونے والے اس میچ کا ٹاس راجستھان کے کپتان راہول ڈریوڈ نے جیت کر بنگلور کو پہلے بیٹنگ کی دعوت دی۔جس کے نتیجے میں بنگلور نے صرف تین وکٹیں کھوکر اپنے مقررہ بیس اوورز میں 189رنز کا مجموعہ ترتیب دیا، جس میں تلکا رتنے دلشان 76 ناٹ آؤٹ اور ابراہم ڈی ویلیئرز59 ناٹ آؤٹ کی شاندار شراکت شامل ہے۔ جو کہ 122رنز ناقابلپر مبنی تھی۔راجستھان کی جانب سے بریڈ ہوگ نے دو وکٹیں حاصل کیں۔جواب میں راجستھان کی ٹیم اپنے مقررہ بیس اوورز میں سات وکٹوں کے نقصان پر 143رنز ہی بناسکی۔اس طرح بنگلور نے یہ میچ 46رنز سے جیت لیا۔راجستھان کی جانب سے سوائے کپتان ڈریوڈ58 کے کوئی اور بیٹسمیں بنگلوری بولروں کا سامنا نہ کرسکا ۔بنگلور کے پی اپننانے چار اور ہرشل پٹیل نے دو وکٹیں لیں۔یاد رہے کہ یہ میچ جیو سوپر نے جے پور سے براہ راست اپنے ناظرین کے لیے ٹیلی کاسٹ کیا۔
