07 جنوری ، 2015 
غلام شبیراوراحمدعرف شیش ناگ کوملتان میں پھانسی دیدی گئی
07 جنوری ، 2015
ملتان......کالعدم تنظیم کے دہشتگردغلام شبیراوراحمدعرف شیش ناگ کوملتان میں پھانسی دیدی گئی۔دونوں پرڈی ایس پی سمیت 5افرادکوقتل کرنےکاالزام تھا۔اس موقع پر سیکیورٹی کے سخت انتظامات کیے گئے تھے۔احمد علی عرف شیش ناگ نے 7جنوری 1998ءکو ریلوے روڈ پر واقع ایک دُکان پر فائرنگ کرکے 3افراد کو ہلاک کیا تھا، پھانسی پانے والے دوسرے مجرم غلام شبیر کا تعلق خانیوال کے علاقے تلمبہ سے ہے ، اس نے 2000 ءمیں ڈی ایس پی نواز خان اور ان کے ڈرائیور کو قتل کیا تھا ، ان دونوں مجرموں کو ملتان کی انسداد دہشت گردی کی عدالت نے سزائے موت سنائی تھی جس کو سپریم کورٹ آف پاکستان نے بھی برقرار رکھا اور صدر کی جانب سے رحم کی اپیلیں مسترد ہونے پر انہیں آج پھانسی دے دی گئی۔ دونوں مجرموں کے ورثا سے ان کی گزشتہ روز آخری ملاقات کرا دی گئی تھی۔پھانسی دینے کے موقع پر انتہائی سخت انتظامات کیے گئے تھے۔
