04 فروری ، 2015 
حق خودارادیت کشمیری عوام کابنیادی حق ہے،الطاف حسین
04 فروری ، 2015
لندن.....متحدہ قومی موومنٹ کے قائد الطاف حسین نے کہاہے کہ مسئلہ کشمیر کشمیری عوام کی خواہشات اور امنگوں کے مطابق حل ہوناچاہیے۔یوم یکجہتی کشمیر کے موقع پر اپنے بیان میں انہوںنے کہاکہ حق خودارادیت کاحصول کشمیری عوام کابنیادی حق ہے اورانہیں ان کایہ حق ملناچاہیے۔اس حق کے حصول کیلئے مقبوضہ کشمیر کے عوام نے بڑے پیمانے پر جانی قربانیاں دی ہیںاورآج تک دے رہے ہیں۔انہوںنے کشمیری عوام سے اظہار یکجہتی کرتے ہوئے اس امید کا اظہار کیا کہ حق خود ارادیت کیلئے مقبوضہ کشمیرکے عوام کی قربانیاں ضرور رنگ لائیں گی۔الطاف حسین نے دعاکی کہ اللہ تعالیٰ اپنے حق کی جدوجہدمیں شہیدہونے والے کشمیریوں کوقربانیوں کوقبول فرمائے اورانہیں ان کی قربانیوں کاصلہ دے ۔(آمین ) ۔دریں اثنا ایم کیوایم کے زیراہتمام جمعرات 5فروری کو نائن زیرو عزیز آبادپر، سہ پہر تین بجے ’’یوم یکجہتی کشمیر‘‘ کے سلسلے میں پروگرام کا انعقاد کیا جائے گا۔
مزید خبریں :
لاہور ہائیکورٹ کے جج نے استعفیٰ دیدیا
11 گھنٹے پہلے
پنجاب بھر میں دیہی مراکز صحت کی آؤٹ سورسنگ کا فیصلہ
10 گھنٹے پہلے
