10 نومبر ، 2022 
10 نومبر ، 2022
قومی ٹیم کے چیف سلیکٹر محمد وسیم نے بھی پاکستان کرکٹ ٹیم کے ٹی ٹوئنٹی ورلڈکپ کے فائنل میں پہنچنے پر اللہ کا شکر ادا کرتے ہوئے پورے پاکستان کو مبارکباد دی ہے۔
ٹی ٹوئنٹی ورلڈکپ کے ابتدائی میچز میں قومی ٹیم کی بری پرفارمنس پر چیف سلیکٹر محمد وسیم کو تنقید کا نشانہ بنایا جا رہا تھا اور سابق فاسٹ بولر شعیب اختر کا کہنا تھا کہ ایوریج بندوں کو ایوریج لوگ ہی پسند آتے ہیں۔
تاہم گزشتہ روز کھیلے گئے سیمی فائنل میں پاکستان نے نیوزی لینڈ کو 7 وکٹوں سے شکست دیکر فائنل کے لیے کوالیفائی کر لیا ہے۔
قومی ٹیم کے فائنل میں پہنچنے پر بہت سے لوگ حیران ہیں تو بہت سے خوش بھی ہیں اور پاکستان کرکٹ ٹیم کو فائنل میں پہچنے کی مبارکبادیں بھی دی جا رہی ہیں۔
اس حوالے سے محمد وسیم نے سوشل میڈیا پر ایک ٹوئٹ کی جس میں انہوں نے لکھا شکر الحمد اللہ۔
محمد وسیم کی جانب سے ایک اور ٹوئٹ کی گئی کہ چیمپئنز کو خود پر یقین ہوتا ہے، اس وقت بھی جب کوئی دوسرا یقین نہیں کرتا۔ مبارک ہو پاکستان۔
