چیئرمین پاکستان پیپلز پارٹی بلاول بھٹو زرداری نے نئے وزیراعلیٰ سندھ کا اعلان کردیا۔ ذرائع کے مطابق مراد علی شاہ کو سندھ کا نیا وزیر اعلیٰ نامزد کردیا گیا ہے۔

کراچی میں بلاول بھٹو زرداری کی زیر صدارت پیپلز پارٹی کی پارلیمانی پارٹی کا اجلاس 3 گھنٹے تک جاری رہا، جس میں سندھ کے نئے وزیر اعلیٰ سے متعلق مشاورت کی گئی۔

اجلاس کے دوران وزیر اعلیٰ قائم علی شاہ نے اپنا استعفیٰ پارٹی چیئرمین کو پیش کیا، جس کے بعد مشاورت سے مراد علی شاہ کو نئے وزیراعلیٰ سندھ کے طور پر نامزد کیا گیا۔

ذرائع کے مطابق سندھ کے نئے وزیر اعلیٰ جمعے کو اسمبلی اجلاس میں اپنے عہدے کا حلف اٹھائیں گے۔

اس سے پہلے دبئی میں ہونے والے اجلاس میں سندھ کے وزیر اعلیٰ کو تبدیل کئے جانے کا فیصلہ کیا گیا تھا جس کا اعلان آج مشاورت کے بعد کیا گیا۔