-----

میرپورخاص میں آم کی اچھی فصل متوقع ، کاشتکاروں نے نوید سنادی

Mirpurkhas Mae Mango Ki Achi Fasal Mutawaqe Kashatkaroon Ne Naweed Sundi

میرپورخاص میں کاشتکاروں نے اس بار آم کی اچھی فصل کی نوید سنادی ہے۔ آم کی بھرپور فصل جون کے پہلے ہفتے میں متوقع ہے۔

میرپورخاص ضلع میں بارہ ہزار ایکڑ سے زائد رقبے پر آم کے باغات ہیں، جن سے لگ بھگ 60 سے 65 ہزار میٹرک ٹن آم کی سالانہ پیداوار حاصل ہوتی ہے۔

کاشتکاروں کے مطابق شدید گرمی نے بھی آم کی فصل پر مثبت اثرات ڈالے ہیں۔ پھل اچھا لگنے کے باعث آم کے باغات کے سودوں میں بھی نمایاں اضافہ ہوا ہے، جس سے آم کے کاشتکار بھی مطمئن نظر آتے ہیں اور کہتے ہیں کہ آم پچھلی بار سے کافی اچھا آیا ہے۔

انہوں نے کہا کہ پچھلی بار اسی ٹھیکیدار نے لیا تھا 16 لاکھ میں اور اب اس نے لیا ہے22 لاکھ میں لیا ہے۔ اس سال ٹھنڈ کچھ کم پڑی اور گرمی تھی اس لیے آم اچھا آیا ہے۔