وفاقی وزارت مذہبی امور نے رواں مالی سال کے نصاب کا اعلان کردیا، رواں سال کیلئے زکوٰۃ کا نصاب 38 ہزار406روپے مقرر کردیا گیا، وفاقی مذہبی امور نے نوٹیفکیشن جاری کر دیا۔

نوٹیفکیشن کے مطابق رواں سال کیلئے زکوٰۃ کا نصاب 38 ہزار406روپے مقرر کیا گیا ہے،جو پچھلے سال کے مقابلے 2849 روپے زائد ہے۔

گزشتہ سال زکوٰۃ کا نصاب 35 ہزار 557 روپے تھا، نوٹیفکیشن کے مطابق بینکوں میں سیونگ اکاؤنٹس سے یکم رمضان کو ڈھائی فیصد کے حساب سے زکوٰۃ منہا کی جائے گی۔

سونے کی قیمت میں اضافے کی وجہ سے رواں سال زکوٰۃ کے نصاب میں اضافہ دیکھا گیا ہے۔