11 اگست ، 2017
امریکی شہروں لاس اینجلس اور سان فرانسسکو کے درمیان سفر کرنے کے لئے انوکھی بس سروس متعارف کرادی گئی ہے۔ اس میں مسافروں کے لیے نشستوں کے بجائے بستروں کا انتظام کیا گیا ہے۔
امریکی شہروں لاس اینجلس اور سان فرانسسکو کے درمیان سفر پہلے کبھی اتنا آرام دہ نہ تھا۔اس انوکھی بس سروس میں نہ صرف بستروں کی سہولت فراہم کی گئی ہے بلکہ وائی فائی بھی موجود ہے۔
اس بس سروس کی دلچسپ بات یہ بھی ہے کہ یہ صرف رات میں چلائی جاتی ہےجبکہ کمپنی مالک کا کہنا ہے کہ اس سروس کا مقصد یہ ہے کہ مسافر 6سے 8 گھنٹوں کے اس لمبے سفر میںرات کی آرام دہ نیند لے سکیں۔