27 مارچ ، 2015 
اسلام آباد : انسداددہشتگردی عدالت میں ججزنظربندی کیس کی سماعت
27 مارچ ، 2015
اسلام آباد.......ججز نظربندی کیس میں ملزم پرویز مشرف کی جانب سے حاضری سے استثنیٰ کی درخواست کے ساتھ میڈیکل رپورٹ جمع نہ کرانے پر انسداد دہشت گردی کی عدالت نے برہمی کا اظہار کیا۔اسلام آباد کی انسداد دہشت گردی کی عدالت کے جج سہیل اکرام نے سابق صدر جنرل ریٹائرڈ پرویز مشرف کے خلاف ججز نظربندی کیس کی سماعت کی ۔ پرویز مشرف کی جانب سے حاضری سے استثنیٰ کی درخواست جمع کرائی گئی جس پر پراسیکیوٹر عامر ندیم تابش نے اعتراض اٹھا یا کہ درخواست میڈیکل رپورٹ کے بغیر جمع کرائی گئی ہے اسے منظور نہ کیا جائے۔ عدالت نےریمارکس دیےکہ آئندہ سماعت پر میڈیکل رپورٹ پیش نہ کی گئی تو ملزم کے خلاف قانون کے مطابق کارروائی کی جائے گی۔ پرویز مشرف کے وکیل نے کہا کہ آئندہ سماعت پر بیماری کا مکمل ریکارڈ پیش کردیا جائےگا۔مقدمے کی مزید سماعت 10 اپریل کو ہو گی۔
مزید خبریں :
پاکستان کی ایران پر اسرائیلی حملے کی شدید مذمت
9 گھنٹے پہلے
بالائی سندھ کے تمام اضلاع میں آندھی اور بارش کا امکان
10 گھنٹے پہلے
کراچی: ملیر جیل سے فرار ایک اور قیدی گرفتار
12 گھنٹے پہلے
