11 اپریل ، 2015 
الیکشن کمیشن نے این اے 246 میں کشیدگی کا نوٹس لے لیا
11 اپریل ، 2015
اسلام آباد.........الیکشن کمیشن نے این اے 246 میں کشیدگی کا نوٹس لے لیا،کمیشن نے این اے 246 کے دو امیدواروں کنور نوید جمیل اور عمران اسماعیل کو خط لکھ کر کہا ہے کہ یہ کشیدگی ضابطہ اخلاق کی خلاف ورزی ہے۔ صوبائی الیکشن کمیشن کے ریٹرننگ آفسر کی جانب سے این اے دو سو چھیالیس کے تمام پندرہ امیدواروں کو ضابطہ اخلاق جاری کیا گیا ہے جس میں امیدواروں کو یہ ہدایت جاری کی گئی ہے کہ وہ ضابطہ اخلاق کے دائرہ کار میں رہتے ہوئے اپنی انتخابی مہم چلائیں اور اپنی ذمہ داریوں کا احساس کرتے ہوئے ضابطہ اخلاق کی پاسداری کریں، ضابطہ اخلاق پر عمل نہ کیا گیا تو متعلقہ ادارے کاروائی کے مجاز ہوں گے۔ مراسلے میں امیدواروں کو انتظامیہ ، پولیس اور الیکشن کمیشن سے تعاون کاپابند رہنے کی ہدایت کی ہے۔
