کراچی......متحدہ قومی موومنٹ کی رابطہ کمیٹی نے کراچی میں دہشت گردی کے واقعات اورامن وامان کی خراب صورتحال پر اپنی گہری تشویش کااظہارکیاہے ۔ اپنے ایک بیان میں رابطہ کمیٹی نے کہاکہ وزیراعظم نوازشریف، وفاقی وزیرداخلہ چوہدری نثارعلی خان، وزیراعلیٰ سندھ سیدقائم علی شاہ اوروفاقی وصوبائی وزراء کی جانب سے کراچی سے دہشت گردی کے خاتمہ اورشہر میں امن وامان کی صورتحال کی بہتری کے بلندوبانگ دعوے کئے جارہے ہیںلیکن حقیقت ان کے دعووں کے قطعی برعکس ہے ۔چندروزقبل بھی نارتھ ناظم آبادکے علاقے میں کالعدم تنظیموں کے دہشت گردوں نے رینجرزکی موبائل پرحملہ کیاجس سے رینجرزکے دو جوان شہیدہوئے ۔آج بھی ڈیفنس کے علاقے میں ایس ایچ اوپریڈی اعجازعلی خواجہ کوفائرنگ کرکے شہیدکردیاگیااورآج ہی شہیدملت روڈپر بھی کالعدم تنظیم کے دہشت گردوں نے جناح میڈیکل اینڈڈینٹل کالج کی امریکی نژادوائس پرنسپل ڈاکٹرڈیبرالوبوکوفائرنگ کرکے زخمی کردیااورباآسانی فرارہوگئے۔ رابطہ کمیٹی نے کہا کہ دہشت گردی کے یہ واقعات اسی لئے مسلسل ہورہے ہیںکیونکہ پولیس ، رینجرزاورتمام سرکاری اداروں کی جانب سے کراچی آپریشن کارخ ایم کیوایم کی جانب موڑدیاگیاہے ۔رابطہ کمیٹی نے کہاکہ کراچی میں ہونے والے دہشت گردی کے یہ واقعات وفاقی وصوبائی حکومت کے دعووںکی کھلی نفی کرتے ہیں اورجب تک آپریشن کارخ درست سمت میں نہیں کیاجائے گااوراصل جرائم پیشہ عناصر اورکالعدم تنظیموں کے دہشت گردوں کے بجائے ایم کیوایم کے خلاف جاری رکھاجائے گااس وقت تک کراچی میں امن وامان کی صورتحال بہترنہیں ہوسکتی۔ دریں اثنامتحدہ قومی موومنٹ کی رابطہ کمیٹی نے گلشن معمار موڑ پر کم عمر طالب علم بھائی بہن کی ڈمپرکے نیچے آکر ہلاکت پرگہرے دکھ اور افسوس کااظہا رکیا ہے ۔ ایک بیان میں رابطہ کمیٹی نے کہاکہ ڈمپر تلے آکر کم عمر طالب علم بہن بھائیوں کی ہلاکت کے ذمہ دار کوڈمپر ڈرائیور فی الفور قانون کی گرفت میں لیاجائے اور ٹریفک کے ایسے المناک حادثات کی روک تھام کیلئے ہر سطح پر مثبت اقدامات بروئے کار لائے جائیں ۔