کراچی.......مجلس وحدت مسلمین کے مرکزی سیکریٹری سیاسیات سید ناصر شیرازی نے کہا ہے کہ ملک میں مکمل قیام امن کیلئے دہشت گردوں کی مدد کرنے والے تمام مراکز،مدارس اور عناصرکے خلاف آپریشن کیا جائے کراچی سمیت صوبہ بھر میں دہشتگردوں کے دفاتر کھلے ہوئے ہیں اور دہشتگردوں کے رہنما ئوں کووفاقی و صوبائی سطح پر مکمل تحفظ حاصل ہے ۔کراچی آپریشن کا سہرا ہر کوئی اپنے گلے ڈالنا چاہتا ہے گزشتہ15سالوں میں ہزاروں معصوم عوام نے اپنی جانوں سے ہاتھ دھوئے،تاہم بعض جگہوں پر دی جانے والی برین واشنگ کی وجہ سے حقیقی دینی مدارس پر بھی اثر پڑھا۔انھوں نے ان خیا لات کا اظہار انہوں نے و حدت ہائوس کراچی میں جاری ایم دبلیو ایم پولیٹکل کونسل کے اجلاس سے خطاب میں کیا ۔اجلاس میں علی حسین نقوی،عبد اللہ مطہری،اصغر عباس زیدی،سمیت دیگر نے شر کت کی۔انھوں نے کہا کہتکفیری دہشتگردانہ سوچ ملکی بقاء و سلامتی کیخلاف سب سے بڑا خطرہ ہے، جس کا خاتمہ کئے بغیر پاکستان سے دہشتگردی کا خاتمہ ممکن نہیں ،انھوں نے کہا کہ الیکشن ٹریبونل کی طرف سے حلقہ این اے 125 اور پی پی 155 میں نتائج کالعدم قرار دیے جانے کے بعد مسلم لیگ ن کے جعلی مینڈیٹ کی اصلیت بھی کھل کر سامنے آ گئی۔اور اب یہ اسی پریکٹس کو گلگت بلتستان میں دہرانے کی تیاری کرر ہے ہیں۔انہوں نے حکومت کو متنبہ کرتے ہوئے کہا کہ گلگت بلتستان میں دھاندلی کا یہ کھیل کھیلنے کے ارادے سے باز رہے بصورت دیگربھیانک نتائج کا سامنے کرنا ہوگا۔