09 مئی ، 2012 
پاک چائنا ملٹری گٹھ جوڑ بڑھ رہا ہے، بھارتی وزیر دفاع
09 مئی ، 2012
نئی دہلی… بھارت کا جنگی جنون ختم نہیں ہوا، وزیر دفاع اے کے انطونی نے کہا ہے کہ چین اور پاکستان کی جانب سے بڑھتے خطرات کی وجہ سے دفاعی بجٹ میں مزید 39 ارب ڈالر کاا ضافہ کیا جانا چاہئیے۔نئی دلی میں بیان دیتے ہوئے بھارتی وزیر دفاع اے کے انطونی نے کہاکہ پاکستان اور چین کے بڑھتے ہوئے خطرے کی وجہ سے ان کی خواہش ہے کہ 2013-14 کے بجٹ میں دفاع کیلئے مزید 39 ارب ڈالر رکھے جائیں، خطے کی سکیورٹی صورتحال کو مدنظر رکھتے ہوئے بجٹ میں اضافے کی ضرورت ہے۔ اے کے انتھونی کا مزید کہنا تھا کہ چین اور پاکستان کی جانب سے بڑھتے خطرات پریشانی کا سبب ہیں ، انہوں نے کہا جنرل وی کے سنگھ کے کھوکھلے بیان کے بعد آرمی کے آپریشنل صلاحیتوں کے بارے میں حکومت کو دوبارہ سے سوچنا چاہیے،،انہوں نے کہا پہلے تیار شدہ منصوبوں پر تیزی سے کام کرنا ہے جبکہ چین بھی سرحدی علاقوں میں اپنی ملٹری صلاحیتیں برھا رہا ہے۔
