10 مئی ، 2012 
سپریم کورٹ نے وزیراعظم کو براہ راست نااہل قرار نہیں دیا، فاروق نائیک
10 مئی ، 2012
اسلام آباد … وزیر قانون فاروق ایچ نائیک نے کہا ہے کہ سپریم کورٹ نے وزیراعظم کو براہ راست نااہل قرار نہیں دیا، وزیراعظم کی اہلیت اور نااہلی کا معاملہ اسپیکر کی صوابدید پر چھوڑ دیا ہے۔ ایوان صدر میں تقریب کے دوران میڈیا سے گفتگو کرتے ہوئے وزیر قانون فاروق ایچ نائیک کا کہنا تھا کہ اگر اسپیکر فیصلہ کرتی ہیں کہ نااہلی کا سوال نہیں اٹھتا تو معاملہ یہیں ختم ہو جائے گا اور اگر اسپیکر نااہلی کا فیصلہ کر لیں تو معاملہ الیکشن کمیشن کو بھیجا جائے گا۔ فاروق ایچ نائیک کا کہنا تھا کہ اسپیکر کا 30 دن کا وقت 26 اپریل سے شروع ہو چکا ہے، اسپیکر کے فیصلے کو ہائی کورٹ میں چیلنج کیا جا سکتا ہے۔ ان کا کہنا تھا کہ سپریم کورٹ کے تفصیلی فیصلے کے خلاف اپیل کا فیصلہ وزیراعظم یوسف رضا گیلانی اور بیرسٹر اعتزاز احسن کریں گے، اگر اپیل میں فیصلہ معطل ہو جائے تو سزا بھی معطل ہو گی۔
مزید خبریں :
چیئرمین واپڈا سجاد غنی نے عہدے سے استعفیٰ دے دیا
20 جون ، 2025
کراچی کے مختلف علاقوں میں ایک بار پھر زلزلے کے جھٹکے
20 جون ، 2025
