23 مئی ، 2015
اسلام آباد......تحریک انصاف نے عبوری تنظیمی سیٹ اپ کا اعلان کردیا۔ تحریک انصاف کے چیئرمین عمران خان نے میڈیا سے بات چیت کرتے ہوئے کہا کہ پارٹی میں تمام عہدے ختم کررہے ہیں، عارضی عہدے لا رہے ہیں،پارٹی انتخابات سے قبل عبوری عہدیدار مقرر کیےجائیں گے۔ عمران خان نے مزید بتایا کہ پنجاب میں چوہدری سرور، سندھ میں عارف علوی، خیبرپختونخوا میں یوسف ایوب اوربلوچستان میں ہمایوں جوگیزئی آرگنائزر ہوں گے جبکہ مرکز میں مشاورتی اورسیاسی کمیٹیاں قائم کی جائیں گی۔