لندن........انگلینڈ اور نیوزی لینڈ کے درمیان جاری 5ایک روزہ میچوں پر مشتمل سیریز کا دوسرا ایک روزہ میچ کیننگٹن اوول کے گرائونڈ میں کھیلا گیا۔ جس میں نیوزی لینڈ نے انگلینڈ کو ڈک ورتھ لوئس قانون کے تحت 13رنز سے شکست دے کر 5میچوں کی سیریز 1-1سے برابر کردی ہے۔ تفصیلات کے مطابق کیوی ٹیم نے میچ میں ٹاس جیت پہلے بیٹنگ کا فیصلہ کیا، تو رنز کا پہاڑ ہی کھڑا کردیا، ٹیم نے مقررہ 50اوورز میں 5وکٹوں کے نقصان پر 398رنز اسکور کیے، کیویز ٹیم کی جانب سے راس ٹیلر کے ناقابل شکست119، کین ولیمسن93 اور مارٹن کپٹل50 رنز کے اسکور کے ساتھ نمایاں رہے، انگلش ٹیم کی جانب سے بین اسٹوکس نے 2کھلاڑیوں کو آئوٹ کیا۔ انگلش ٹیم 398رنز کے ہدف کے تعاقب میں بھی پیچھے نہ رہی اور اپنی اننگ کے آغاز سے لے کر آخر تک جیت کی کوشش میں رہی، انگلش ٹیم کی جانب سے کپتان ایون مورگن88، ایلکس ہیلز54، جوس بٹلر41 اور لائم پلنکٹ44رنز کے ساتھ نمایاں رہے، لیکن 44اوور میں بارش کی وجہ سے میچ کو 46اوورز میں379 رنز کے ہدف تک محدود کردیا گیا، جس پر انگلش ٹیم 9وکٹوں کے نقصان پر365 رنز بنا سکی، جبکہ کیویز ٹیم کی جانب سے ناتھن مکولم3 اور ٹرینٹ بولٹ، مچل مکیلیگن اور مچل سانٹنر نے2،2 کھلاڑیوں کو آئوٹ کیا۔ نیوزی لینڈ کے راس ٹیلر میچ کے بہترین کھلاری قرار پائے۔