12 مئی ، 2012 
حکومت نے عدالتی حکم نہ مانا تو اسلام آباد کی طرف مارچ کرینگے، عمران خان
12 مئی ، 2012
اسلام آباد … تحریک انصاف کے چیئرمین عمران خان نے کہا ہے کہ حکومت نے سپریم کورٹ کے احکامات نا مانے، تو اسلام آباد کی طرف مارچ کریں گے، 27 مئی کو راول پنڈی میں تاریخی سونامی لائیں گے۔ اسلام آباد میں اقلیتوں کے کنونشن سے خطاب میں عمران خان نے کہا کہ قوم تیار رہے، راولپنڈی کا جلسہ اسلام آباد پر سونامی مارچ کی تیاری ہوگی۔انہوں نے کہاکہ پارلیمنٹ نے مجرم وزیر اعظم کی حمایت اور سپریم کورٹ کے خلاف قرارداد پاس کی جو افسوسناک ہے۔ عمران خان کا کہنا تھا کہ آئندہ حکومت تحریک انصاف کی ہو گی، اقتدار میں آ کرکچی بستی کے مکینوں کو گھر بناکر دیں گے۔ ان کا کہنا تھا کہ وہ 8 دن جیل میں رہے، لیکن وہاں کوئی طاقت ور یا ڈاکو نہیں دیکھا، تاہم انہیں 5 سال میں قومی اسمبلی میں بڑے بڑے ڈاکو نظر آئے ہیں۔ اس موقع پر اقلیتی برادری کی تنظیم پاکستان بین المذاہب لیگ نے تحریک انصاف میں ضم ہونے کا اعلان کیا۔
مزید خبریں :
