پاکستان
13 مئی ، 2012
13 مئی ، 2012 
پی ٹی آئی تحریک آزادی دوم کا آغاز کررہی ہے، ابرار الحق
13 مئی ، 2012
تحریک انصاف یوتھ ونگ کے صدر ابرار الحق کا کہنا ہے کہ وہ وزیراعلیٰ پنجاب محمد شہباز شریف کے صاحبزادے ایم این اے حمزہ شہباز کو بھی تحریکِ انصاف یوتھ ونگ میں شمولیت کی دعوت دیتے ہیں، پاکستان تحریک انصاف تحریک آزادی دوم کا آغاز کررہی ہے۔ لاہورمیں پریس کانفرنس کرتے ہوئے ابرار الحق نے کہا کہ موروثی سیاست سے اکتائے نوجوان تحریکِ انصاف میں شامل ہو جائیں۔ ان کا کہنا تھا کہ تحریک انصاف بھوک، کرپشن، رشوت، بیروزگاری اور خوف سے آزادی کیلئے تحریک آزادی دوم کا آغاز کر رہی ہے اور یوتھ ونگ کے نوجوانوں کو ہرشعبے میں دھاندلی روکنے کیلئے تیار کر رہی ہے۔ ابرار الحق نے کہا کہ نوجوانوں کو آگے لایا جا رہا ہے اور ان سے پارٹی کے ہر پالیسی میٹر پر مشاورت کی جا رہی ہے۔
مزید خبریں :
