دنیا
01 جولائی ، 2015
01 جولائی ، 2015 
یمن کے وسطی شہر تعز کی جیل سے 12 سو قیدی فرار
01 جولائی ، 2015
ثناء.......یمن کے وسطی شہر تعز میں جھڑپوں کے دوران ایک جیل توڑ کر 12 سو کے قریب قیدی فرار ہوگئے، جن میں القاعدہ کے مبینہ جنگجو بھی شامل ہیں۔ یمن کے سرکاری خبررساں ادارے نے ایک سیکیورٹی اہلکار کے حوالے سے بتایا ہے کہ جیل پر القاعدہ کے حامیوں نے حملہ کیا تھا، تاہم ایک اور اہلکار کے مطابق مخالف گروہوں کے درمیان شدید لڑائی کے دوران جیل سے قیدی فرار ہوئے۔ حوثی باغیوں اور مخالف گروہ کے درمیان شدید جھڑپوں کے دوران سکیورٹی گارڈز نے اپنی چوکیاں خالی چھوڑ دی تھیں۔ 26 مارچ کو شروع ہونے والی سعودی عرب کی قیادت میں اتحاد کی فضائی بمباری کے دوران جیل توڑنے کا یہ تیسرا واقعہ ہے۔
مزید خبریں :
