14 مئی ، 2012
برسلز … نیٹو کے سیکرٹری جنرل فوگ راسموسین نے امید ظاہر کی ہے کہ پاکستان شکاگوکانفرنس سے پہلے سپلائی بحال کردے گا۔پیر نیٹو ہیڈکوارٹرز سے جاری ایک اعلامیے کے مطابق سیکرٹری جنرل فوگ راسموسین نے توقع ظاہر کی کہ پاکستان20مئی کو شکاگو میں ہونے والے سمٹ سے پہلے سپلائی بحال کردے گا۔20 مئی کو دو روزہ نیٹو سمٹ شکاگو میں ہورہا ہے جس کی میزبانی امریکی صدر براک اوباما کریں گے۔ نومبر میں سلالہ چیک پوسٹ پر حملے کے بعد پاکستان نے نیٹو سپلائی روک دی تھی جس سے نیٹو کاافغانستان میں جاری مشن متاثر ہورہا ہے۔