پاکستان
17 جولائی ، 2015
17 جولائی ، 2015 
کراچی: نائن زیرو پر رینجرز کا چھاپا، قمر منصور اور کیف الوری زیرحراست
17 جولائی ، 2015
کراچی..........کراچی کے علاقے عزیز آباد میں ایم کیو ایم کے مرکز نائن زیرو پر رات گئے رینجرز کی کارروائی عمل میں آئی ہے۔ تفصیلات کے مطابق ایم کیو ایم کے مرکز نائن زیرو پر کارروائی کے دوران خورشید بیگم سیکریٹریٹ میں رینجرز داخل ہوگئی ہے اور متحدہ کے رہنما قمر منصور اور انچارج رابطہ کمیٹی کیف الوریٰ کو حراست میں لے کر نامعلوم مقام پر منتقل کر دیا گیا۔ ادھر رینجرز نے ایم کیو ایم کے رہنما عظیم فاروقی اور سفیان یوسف کو تفتیش کے بعد چھوڑ دیا۔ کارروائی میں رینجرز حکام کی 8گاڑیوں نے حصہ لیا اور اطراف کے سارے راستوں کو سیل کردیا۔ رینجرز اہلکار چھاپے اور 2گرفتاریوں کے بعد واپس چلے گئے ہیں۔
