20 اگست ، 2015 
آٹھ گھنٹے سے زیادہ کام دل کے دورے کا خطرہ بڑھا دیتا ہے،ماہرین
20 اگست ، 2015
لندن.......آٹھ گھنٹوں سے زیادہ کام کرنا دل کے دورے کا خطرہ بڑھادیتا ہے،نئی ریسرچ نے دفاتر میں دیر تک کام کرنے والوں کو تشویش میں مبتلا کردیا ہے۔ کچھ ملازمین کی مجبوری تو کسی کو آمدنی میں بہتری کی امید دیر تک کام کرنے پر آمادہ کرتی ہے،آٹھ گھنٹے سے زائد کام کرنے کا یہ روٹین آرام کی کمی کا باعث تو ہوتا ہی ہے لیکن اس کے ساتھ ہی دل کے دورے کا خطرہ بھی تینتیس فیصد بڑھادیتا ہے، جیسے جیسے کام کا دورانیہ بڑھتا جاتا ہے،اسی رفتار سے اسٹروک کا خطرہ بھی بڑھتا ہے۔ یونیورسٹی کالج لندن کے سائنسدانوں کی حالیہ ریسرچ میں کہا گیا ہے کہ ایسے افراد جو ہفتے میں 55 گھنٹوں سے زیادہ کام کرتے ہیں ، ان میں دل کے دورے کا خطرہ ان لوگوں کے مقابلے میں تینتیس فیصد زیادہ ہوتا ہے ، جو ہفتے میں پینتیس سے چالیس گھنٹے کام کرتے ہیں۔ پچپن گھنٹے سے زائد کام کرنے والوں میں دل کی بیماریوں کا خطرہ بھی 13فیصد زیادہ ہوتا ہے۔
مزید خبریں :
نہاتے وقت کی جانے والی وہ عام غلطی جو جان لیوا ہوسکتی ہے
19 جون ، 2025
5 علامات جن کو کبھی نظر انداز نہیں کرنا چاہیے
18 جون ، 2025
وہ 14 حیرت انگیز عادات جو آپ کو جلد بوڑھا بنا دیتی ہیں
17 جون ، 2025
بے خوابی کو آپ سے دور رکھنے والی بہترین اور آسان عادت
16 جون ، 2025
