24 اگست ، 2015 
جھنگ : سب سے بڑے ماڈل ہائی اسکول کی عمارت خطرناک قرار
24 اگست ، 2015
جھنگ ........جھنگ میں رقبے اور عمارت کے لحاظ سے سب سے بڑے ماڈل ہا ئی اسکول کی عمارت کو خطرناک قرار دے دیا گیا ۔ جس کے بعد طلبہ شدید گرمی اور دھوپ میں کھلے آسمان تلے تعلیم حاصل کرنے پر مجبور ہیں ، ایک سو پچیس کنال پر محیط پینتالیس سال قبل تعمیر کیے جانے والے اس اسکول کی عمارت میں31 کلاس رومز ،4 لیبارٹریز ،5 ورکشاپس اور65 کمروں پر مشتمل ہاسٹل شامل ہے ۔چند سال قبل لا ہور کالج فار ویمن یو نیو رسٹی جھنگ کیمپس کی منظوری کے بعد اسکول کی عمارت کا زیادہ حصہ اسے دے دیا گیا جبکہ صرف 27 کلاس رومز اسکول کے استعمال میں ہیں ۔اسکول کے زیر استعمال عمارت کی مرمت کے لیے دس لا کھ روپے کی گرانٹ منظور کی گئی لیکن محکمہ بلڈنگ نے مذکورہ عمارت کی چھتو ں کو خستہ حالی کے باعث خطرناک قرار دیتے ہو ئے اس کی از سر نو تعمیر کی تجویز دی ۔طلبہ کا کہنا ہے کہ سہولیات کے بغیر انہیں تعلیم کے حصول میں دشواری کا سامنا ہے، انہو ں نے اسکول کی عمارت کی جلد تعمیر کا مطا لبہ کیا ہے۔
مزید خبریں :
ایران اسرائیل جنگ سے بلوچستان کیوں متاثر ہورہا ہے؟
1 گھنٹے پہلے
’دل کا رشتہ ‘کس طرح خواتین کو خود مختار بنا رہی ہے؟
19 جون ، 2025
