03 ستمبر ، 2015 
سندھ ہائیکورٹ کی ڈاکٹر عاصم کے تمام ٹیسٹ کرانے کی ہدایت
03 ستمبر ، 2015
کراچی........سندھ ہائیکورٹ نے ڈاکٹر عاصم کو طبی سہولیات دینے سے متعلق درخواست نمٹا دی ، عدالت کا کہنا ہے ڈاکٹر عاصم کو ہسپتال منتقل نہیں کیا جا سکتا ، رینجرز انہیں تمام طبی سہولیات فراہم کرے۔سندھ ہائیکورٹ کے جسٹس سجاد شاہ نے سابق مشیر پٹرولیم اور سندھ ہائیر ایجوکیشن کمیشن کے چیئرمین ڈاکٹر عاصم کو طبی سہولیات دینے کے حوالے سےدرخواست کی سماعت کی۔ڈاکٹر عاصم کے وکلاء نے موقف اختیار کیا کہ صحت کی خرابی کے باعث ان کے موکل کو ہسپتال منتقل کرنے کی ہدایت کی جائے،رینجرز کےوکیل کا کہنا تھا ڈاکٹر عاصم حسین کو تمام طبی سہولتیں دی جا رہی ہیں۔وہ ہماری تحویل میں ہیں،انہیں کچھ ہوتا ہے تو ہم ذمہ دار ہونگے۔عدالت نے فریقین کے دلائل سننے کے بعد درخواست نمٹا دی۔عدالت نے قرار دیا کہ ڈاکٹر عاصم کو ہسپتال منتقل نہیں کیا جا سکتا ،سماعت کے دوران ڈاکٹرعاصم اور رینجرز کے وکلا کے درمیان تلخ کلامی بھی ہوئی۔
