پاکستان
19 مئی ، 2012
19 مئی ، 2012 
بھارتی وزیر خارجہ ایس ایم کرشنا جولائی میں پاکستان کا دورہ کرینگے
19 مئی ، 2012
ممبئی … بھارتی وزیر خارجہ ایس ایم کرشنا نے کہا ہے کہ و ہ اس سال جولائی کے تیسرے ہفتے میں پاکستان کے دورے پر جائیں گے جہاں وہ صدر آصف زرداری اور وزیراعظم یوسف رضا گیلانی سے ملاقات کریں گے۔ بھارتی میڈیا کے مطابق ایس ایم کرشنا پاکستانی وزیر خارجہ حنا ربانی کھرسے بھی ملاقات کریں گے جس میں حل طلب امور پر پیشرفت کا جائزہ لیاجائے گا۔ بھارتی وزیر خارجہ کے تین روزہ دورہ پاکستان میں تمام امور پر بات چیت ہوگی۔ بھارتی میڈیا کے مطابق دورہ پاکستان کی تاریخ ابھی فائنل نہیں ہوئی ہے تاہم ممکن ہے کہ بھارتی وزیر خارجہ ایس ایم کرشنا کا دورہ پاکستان 20، 21 اور 22 جولائی کو ہوگا۔
