20 ستمبر ، 2015 
ہالی وڈ ہاررفلم’دی گرین اِنفرنو‘کانیا ٹیزر جاری
20 ستمبر ، 2015
لاس اینجلس .....خوف اور دہشت سے بھرپور نئی ہالی وڈہارر فلم’دی گرین اِنفرنو‘کا نیا ٹیزر ٹریلر منظر عام پر آگیا ہے۔
ایلی روتھ کی ڈائریکٹ کردہ دل دہلا دینے والے واقعات پر مبنی یہ فلم طالب علموں کے ایک ایسے بد قسمت گروہ کے گِرد گھومتی ہے جنکے جہاز کو حادثہ پیش آجاتا ہے اور تمام نوجوان گھنے سنسان جنگل میں پہنچ جاتے ہیں۔
شہر سے ہزاروں میل دورانسانوں کو اپنی خوراک بنانیوالے وحشی جنگلی قبائلی ان نوجوانوں کو یرغمال بناکراپنی قدیم روایات کے مطابق قربان کر نے کی ٹھان لیتے ہیں۔
ایلی روتھ ، نکولیس لوپیزاورکرسٹوفرووڈو کی مشترکہ پروڈکشن میں بننے والی اس ہارر ایڈونچرفلم میں لورینزا ایزو، ایریئل لیوی، نکولیس مرٹانیزاور ڈیریل سابیرا اہم کرداروں میں جلوۂ گر ہو رہے ہیں۔
6ملین ڈالر لاگت سے مکمل ہونیوالی سنسنی خیز مناظر کی عکاسی کرتی یہ فلم 25ستمبر کو امریکی سنیما گھروں میں نمائش کیلئے پیش کردی جائے گی۔
