09 اکتوبر ، 2015 
روس کے 4 کروز میزائل ایران میں جا گرے، امریکاکا دعویٰ
09 اکتوبر ، 2015
واشنگٹن........ امریکا نے دعوی کیا ہے کہ روس کی جانب سے شام میں شدت پسند تنظیم دولت اسلامیہ پر حملوں کے لیے داغے گئے میزائلوں میں سے 4 کروز میزائل شام کے بجائے ایران میں گرے۔
تاہم روس کی وزارت دفاع کے ترجمان جنرل آئیگور کوناشنکوف نے امریکا کے دعوے کو مسترد کرتے ہوئے کہا کہ ان کا کوئی بھی میزائل ایران میں نہیں گرا بلکہ تمام کے تمام میزائلوں نے اپنے اہداف کو نشانہ بنایا۔ روس ایسی کارروائیوں میں نشانہ بننے سے پہلے اور بعد میں بھی ہدف کا پورا جائزہ لیتا ہے۔
روسی ترجمان کا مزید کہنا تھا کہ شدت پسند تنظیم داعش کے ٹھکانوں کو نشانہ بنانے کے لیے بحیرہ کیسپیئن میں موجود جنگی بحری جہازوں سے شام کے شمالی اور شمال مغربی صوبوں میں 11 مقررہ اہداف پر 26 کروز میزائل داغے گئے تھے جس کا مقصد زمینی کارروائی کے لیے شامی فوج کو مدد کرنا تھا۔
دوسری جانب ایران نے امریکی دعوے کو روس کے خلاف امریکا کی نفسیاتی جنگ کا حصہ قرار دیا ہے۔
