17 اکتوبر ، 2015 
ابوظہبی ٹیسٹ،انگلینڈ کو جیت کےلئے99رنز کا آسان ہدف
17 اکتوبر ، 2015
ابو ظہبی.......پاک انگلینڈ کرکٹ سیریز کا پہلا ٹیسٹ میچ سنسنی خیز مرحلے میں داخل ہوگیا ہے ۔پوری پاکستان ٹیم ایک آسان وکٹ پر ا پنی دوسری اننگز میں 173 رنز کے مجموعی اسکور پر پویلین لوٹ گئی۔
انگلینڈ کو اب جیت کےلئے صرف 99رنز کی ضروت ہے جبکہ میچ کے مزید21اوور باقی ہیں۔ پاکستانی بیٹنگ لائن آج پھر بحران کا شکار نظرآئی۔کپتان مصباح الحق نے51 ،محمد حفیظ نے34 یونس خان 45 اورسرفراز نے27رنز کی اننگز کھیلی۔جبکہ دو کھلاڑی صفر پر پویلین پر لوٹ گئے ۔
انگلینڈ کی طرف سے ان کے بالر عادل رشید نے تباہ کن کارکردگی کا مظاہرہ کرتے ہوئے 5 پاکستانی کھلاڑیوں کا شکار کیا جبکہ معین علی اور اینڈرسن نے دو دو وکٹیں حاصل کی۔ اس سے قبل پاک انگلینڈ کرکٹ سیریز کے پہلے ٹیسٹ میچ کی پہلی اننگ میں پاکستانی بالرز انگلش ٹیم کو آوٹ کرنے میں ناکام رہےتھے۔
مہمان ٹیم نے خود ہی 598رنز پر اننگز ڈیکلیئر کردی،جس کے بعد اسے میزبان ٹیم پر75رنز کی سبقت حاصل ہوگئی تھی۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
