18 اکتوبر ، 2015 
تھری ڈی ہاررفلم’ پیرانارمل ایکٹویٹی: دی گھوسٹ ڈائمنشن‘کا ٹریلر جاری
18 اکتوبر ، 2015
لاس اینجلس ......باکس آفس پرتہلکہ مچادینے والی ہارر فلم پیرا نارمل ایکٹویٹی سلسلے کی نئی تھری ڈی فلم’پیرا نارمل ایکٹویٹی: دی گھوسٹ ڈائمنشن‘کا ٹریلر منظر عام پر آگیا ہے۔
جیسن بلم اور اورن پیلی کی مشترکہ طور پر پرودڈیوس کردہ اس دہشت ناک فلم میں رات کے اندھیرے میں گھر میں ہونیوالی غیرمعمولی حرکات اور ڈراؤنی شکلات کی سی سی ٹی وی فوٹیج دکھاتے ڈراؤنے مناظر شائقین کو خوف سے آنکھیں بندکر دینے پر مجبور کردیں گے۔
ہدایتکار گریگوری پلاٹکن کی اس ہارر فلم میں کیٹی فیدرسٹن اور نیتھن بریون سمیت دیگر کئی اداکار اہم کرداروں میں اپنی اداکاری کے جوہر دکھا رہے ہیں۔
5ملین ڈالر لاگت سے مکمل ہونیوالی خوف اور دہشت سے بھرپور مناظر لئے یہ سنسنی خیزتھری ڈی فلم پیراماؤنٹ پکچرز کے تحت رواں سال 23اکتوبر کو سنیما گھروں میں سب کو ڈرانے آرہی ہے۔
