23 اکتوبر ، 2015 
جیکب آباد:دھماکے سے ہلاکتوں کی تعداد 16 ہوگئی، 40زخمی
23 اکتوبر ، 2015
جیکب آباد....... جیکب آباد میں دھماکے سے ہلاکتوں کی تعداد 16 ہوگئی ہے جبکہ 40 افراد کے زخمی ہونے کی اطلاعات ہیں۔ پولیس کے مطابق دھماکا خودکش حملہ تھا جو لاشاری محلہ میں پارک کے قریب ہوا۔
دھماکے کے زخمیوں کو قریبی اسپتال منتقل کردیا گیا جبکہ زخمیوں میں سے 15 کی حالت تشویشناک بتائی گئی ہے، جنہیں لاڑکانہ منتقل کیا جارہا ہے۔
پولیس کے مطابق زخمیوں میں سے زیادہ تعداد بچوں کی ہے جبکہ دھماکے کی جگہ سے ایک پستول بھی ملی ہے۔
گورنرسندھ ڈاکٹر عشرت العبادنے آئی جی سندھ سےدھماکےکی رپورٹ طلب کرلی ہے جبکہ آئی جی سندھ کومجالس، امام بارگاہوں پرسیکیورٹی سخت کرنےکی ہدایت کردی۔
وزیرداخلہ سندھ سہیل انور سیال نے امدادی ٹیموں کودھماکےکی جگہ پہنچنےکی ہدایت کی ہے جبکہ وزیراعلیٰ سندھ اور قائدملت جعفریہ علامہ ساجدنقوی نے جیکب آبادمیں دہشت گردی کی شدید مذمت کی ہے۔
مزید خبریں :
