24 مئی ، 2012 
قومی اقتصادی کونسل میں 873 ارب روپے کا ترقیاتی بجٹ منظور
24 مئی ، 2012
اسلام آباد … قومی اقتصادی کونسل نے آئندہ مالی سال کیلئے 873 ارب روپے کے ترقیاتی بجٹ کی منظوری دے دی۔ وفاق کا ترقیاتی بجٹ 10 ارب روپے اضافے سے 360 ارب اور صوبوں کا 513 ارب روپے کا بجٹ منظور کیا گیا ہے۔ قومی اقتصادی کونسل کا اجلاس وزیر اعظم یوسف رضا گیلانی کی زیر صدارت اسلام آباد میں ہوا۔ اجلاس میں پنجاب کے وزیر خزانہ کا قلمدان رکھنے والے وزیر اعلیٰ شہباز شریف شریک نہیں ہوئے جبکہ سندھ، بلوچستان اور خیبر پختونخوا کے وزرائے اعلیٰ موجود تھے۔ اجلاس میں ترقیاتی بجٹ میں مزید 10 ارب روپے کا اضافہ منظور کرلیا گیا اور طے پایا کہ آئندہ ترقیاقی بجٹ کا حجم 873 ارب روپے ہوگا۔ پنجاب کا 206ارب روپے کا ترقیاتی بجٹ منظور کیا گیا۔ سندھ کیلئے 188 ارب روپے کے ترقیاتی بجٹ کی منظوری دی گئی۔ قومی اقتصادی کونسل نے خیبر پختونخوا کیلئے 78 ارب اور بلوچستان کیلئے 41 ارب روپے کے ترقیاتی بجٹ منظور کیے۔
مزید خبریں :
حکومت نے خود چینی کی 159 روپے کلو ایکس مل پرائس پر ہاں کردی
20 مارچ ، 2025
سونے کی بڑھتی قیمت کو بریک نہ لگا، بلند ترین سطح پر پہنچ گئی
19 مارچ ، 2025
انٹربینک میں ڈالر مہنگا ہوگیا
18 مارچ ، 2025
اسٹاک ایکسچینج میں مثبت دن، 29 ارب روپے کا کاروبار ہوا
18 مارچ ، 2025
