22 نومبر ، 2015 
بی پی ایل: چٹا گانگ وائی کنگزکا رنگپور رائیڈرز کو 188رنز کا ہدف
22 نومبر ، 2015
میرپور......بنگلادیش پریمئر لیگ کے افتتاحی میچ میں چٹا گانگ وائی کنگز نے رنگپور رائیڈرز کو میچ جیتنے کیلئے 188رنز کا ہدف ہدیا ہے۔
میرپورکے شیربنگلا نیشنل اسٹیڈیم میں کھیلے جارہے میچ میں چٹاگانگ وائی کنگز نے ٹاس جیت کر بیٹنگ کا فیصلہ کیا، تمیم اقبال اور تلک رتنے دلشان نے 52رنز کا تیز رفتار آغاز فراہم کیا، اس موقع پر دلشان 16گیندوں پر 29رنز کی اننگز کھیل کر ابو زید کی گیند پر عرفات کے ہاتھوں کیچ آئوٹ ہوئے۔ ان کی اننگز میں 3چھکے اور 2چوکے شامل تھے۔
تمیم اقبال اور انعام الحق نے دوسری وکٹ کی شراکت میں 65رنز بنائے، تمیم اقبال نے 51رنز کی اننگز کھیلی جبکہ انعام الحق 36رنز بناکر آئوٹ ہوئے، جیون مینڈس نے18گیندوں پرتین چھکوں اور تین چوکوں کی مدد سے 39 رنز بناکر رن آئوٹ ہوئے۔آصف احمد نے 17رنز کی ناقابل شکست اننگز کھیلی۔
رنگپور رائیڈرز کی طرف سے ثقلین نے 3اور ابو زید نے 2کھلاڑیوں کو آئوٹ کیا۔
مزید خبریں :
