28 جنوری ، 2012 
کراچی : فائرنگ کے واقعات ،پولیس اہلکارسمیت 3 افراد ہلاک
28 جنوری ، 2012
کراچی … کراچی کے مختلف علاقوں میں فائرنگ کے واقعات میں پولیس اہل کار سمیت تین افراد ہلاک ہوگئے۔ نامعلوم افراد نے ایک بس بھی جلادی۔پولیس کے مطابق گارڈن کے علاقے رام سوامی میں فیکٹری کے باہر نامعلوم افراد نے فائرنگ کردی، جس سے چار افراد زخمی ہوگئے۔ انہیں طبی امداد کے لیے سول اسپتال پہنچایا گیا۔ تاہم ایک شخص زخموں کی تاب نہ لاکر جاں بحق ہوگیا۔ واقعے کے بعد علاقے میں خوف و ہراس پھیل گیا اور دکانیں بند ہوگی۔پاکستان چوک کے قریب نامعلوم افراد نے فائرنگ کرکے ایک پولیس اہل کار یوسف کو زخمی کردیا جو دوران علاج اسپتال میں جاں بحق ہوگیا۔ پولیس کے مطابق مقتول اہل کار آرام باغ میں تعینات تھا۔ اورنگی ٹاوٴن میں اقبال مارکیٹ تھانے کے علاقے ڈسکو موڑ کے قریب فائرنگ سے ایک نوجوان جاں بحق ہوگیا۔ادھر گلشن اقبال میں الہ دین پارک کے قریب نامعلوم افراد کی فائرنگ سے بھگدڑ مچ گئی اور ٹریفک معطل ہوگیا۔ نامعلوم افراد نے فائرنگ کے بعد ایک بس کو بھی آگ لگا دی۔
