26 نومبر ، 2015 
سیلویسٹرا سٹیلون کی فلم’کریڈ‘ جیو کے بینر تلے کل ریلیز ہوگی
26 نومبر ، 2015
کراچی ......ہالی ووڈ کے مشہورو معروف اداکار سیلویسٹر اسٹیلون کے دیوانے تیار ہوجائیں کیونکہ اسپورٹس ڈرامہ فلم’ کریڈ‘ (Creed)جیو کے بینر تلے کل پاکستانی سنیما گھروں کی زینت بنے گی۔
ریان کوگلر کی ہدایتکاری میں بننے والی اس فلم کی کہانی مشہور فلمی کردار باکسر اپولو کریڈ کے بیٹے کے گرد گھومتی ہے جو باکسنگ کی ٹریننگ حاصل کرنے کیلئے فلاڈیلفیا کا رْخ کرتا ہے۔
فلم میں اداکاری کے جوہر دکھانے والوں میں سیلویسٹرا سٹیلون اور مائیکل بی جارڈن کے علاوہ ٹیسا تھامپسن، ٹونی بیلیو اور گراہم مک ٹائوش سمیت دیگر فنکار شامل ہیں۔
ایرون ونکلر اور رابرٹ چارٹ آف کی مشترکہ پروڈیوس کردہ یہ فلم وارنر برادرز کے تحت کل جیو کے بینر تلے پاکستانی سینما گھروں میں نمائش کیلئے پیش کی جائے گی۔
