پاکستان
08 دسمبر ، 2015
08 دسمبر ، 2015 
رینجرز کی مداخلت سے متعلق ڈاکٹر عاصم کی والدہ کی درخواست
08 دسمبر ، 2015
کراچی......سندھ ہائیکورٹ نے سابق مشیر پٹرولیم ڈاکٹر عاصم حسین کیس میں رینجرزکی مداخلت سے متعلق دائر درخواست پر صوبائی حکومت ،وزارت داخلہ اور ڈی جی رینجرز سمیت دیگر کو نوٹس جاری کردیے۔
رینجرز کی کیس میں مداخلت سے متعلق ڈاکٹر عاصم حسین کی والدہ کی درخواست کی سماعت جسٹس احمد علی ایم شیخ کی سربراہی میں دو رکنی بینچ نے کی۔ ڈاکٹر عاصم کی والدہ اعجاز فاطمہ نے درخواست میں موقف اختیارکیا کہ رینجرز کیس پر اثر انداز ہونے کی کوشش کررہی ہے لہذا اسے روکا جائے۔
عدالت نے درخواست پر کارروائی کے لیے حکومت سندھ،وزارت داخلہ اور ڈی جی رینجرز سمیت دیگر کو 15 دسمبر کے لیے نوٹس جاری کردے۔گزشتہ روزجسٹس نعمت اللہ پھلپھوٹو نے اس درخواست کو سننے سے انکارکردیا تھا۔
