اسلام آباد… مسلم لیگ نون کے خواجہ آصف اور پاکستان تحریک انصاف کے چیئرمین عمران خان نے وزیراعظم یوسف رضا گیلانی کو توہین عدالت کیس میں سزا پر اسپیکر قومی اسمبلی کی رولنگ کیخلاف آئینی پٹیشنز، سپریم کورٹ میں دائر کردی ہیں، اس میں وزیراعظم کو کام سے فوری روکے جانے اور نااہلی کا معاملہ الیکشن کمیشن میں طے کئے جانے کی درخواست کی گئی ہے ۔ عمران خان اور خواجہ آصف کی طرف اسپیکر رولنگ کے خلاف الگ الگ پٹیشنز دائر کی گئی ہیں، خواجہ آصف کی پٹیشن کو دائر کئے جانے سے قبل درکار دستاویز کو منسلک کرنے ، کاغذات کی جلد سازی کئے جانے جیسے تقاضے جلد ی میں پورے کئے جاتے رہے ، دائر کی گئی پٹیشن میں موقف اختیار کیا گیاہے کہ توہین عدالت کیس میں سزا سے وزیراعظم نااہل ہوچکے ہیں ، انہیں کام کرنے سے فوری روکا جائے، دونوں پٹیشنز میں وفاق ، وزیراعظم، الیکشن کمیشن اور اسپیکر اسمبلی کو فریق بنایاگیاہے، عمران خان نے پٹیشن میں حامدخان ایڈووکیٹ کو اپنا وکیل مقرر کیا ہے، اس پٹیشن میں کہاگیاہے کہ اسپیکر کے فیصلے غیر آئینی قرار دے کر کالعدم کیا جائے، اس کے ساتھ الیکشن کمیشن کو حکم دیاجائے کہ وزیراعظم کی نااہلی کا معاملہ طے کرے۔