29 مارچ ، 2025 
اداکار فیروز خان کو برطانوی پارلیمنٹ نے ایوارڈ سے نواز دیا
29 مارچ ، 2025
پاکستانی اداکار فیروز خان کو برطانوی پارلیمنٹ کی جانب سے ایوارڈ سے نوازا گیا۔
فیروز خان کو یہ ایوارڈ بیرونس پاؤلا الدین، ایم پی روپ حق، لارڈ کلدیپ سنگھ اور چارٹرڈ اکاؤنٹنٹ سمیت کاروباری شخصیت منصور شفیق نے پیش کیا۔
اس تقریب میں فیروز اپنی اہلیہ ڈاکٹر زینب کے ساتھ شریک ہوئے، یہ ایوارڈ اداکار کو شوبز انڈسٹری میں اپنی خدمات پیش کرنے کیلئے دیا گیا ہے۔
فیروز نے ارکان پارلیمنٹ کا شکریہ ادا کرتے ہوئے کہا کہ فنون، ثقافت اور تنوع جیسی اہم چیز پر کام کرنے کے لیے پہچانا جانا میرے لیے بہت خاص ہے، یہ اعزاز قابل احترام پارلیمنٹیرینز کی موجودگی میں حاصل کرنا واقعی عاجزی کی بات ہے جو فنون لطیفہ اور ثقافت کی بہت اچھی سمجھ رکھتے ہیں۔
اداکار نے اپنے ایوارڈ ملنے کی خوشی کو سوشل میڈیا پلیٹ فارم انسٹاگرام پر بھی شیئر کیا۔
واضح رہے کہ اس سے قبل برطانوی پارلیمنٹ کی جانب سے یہ ایوارڈ اداکارہ ماہرہ خان اور اداکارہ ہانیہ عامر کو بھی دیا جاچکا ہے۔
مزید خبریں :
شوبز ستاروں کی عید پر مبارک باد، عید کیسے منائی؟
8 گھنٹے پہلے
رام مندر والی گھڑی پہننے پر سلمان خان نئے تنازع میں گھرگئے
29 مارچ ، 2025
