کراچی…متحدہ قومی موومنٹ کے قائدالطاف حسین نے کہاہے کہ سندھ پر کسی ایک فریق کاحق نہیں بلکہ سندھ ان تمام لوگوں کاہے جن کاجینامرناسندھ سے وابستہ ہے، جویہیں پیداہوتے ہیں،یہیں دفن ہوتے ہیں اورجوکماتے ہیں وہ سندھ ہی میں خرچ کرتے ہیں۔ سندھ کے مستقل باشندوں کوایک دوسرے کے وجود اورحق کوتسلیم کرتے ہوئے مل جل کررہناہے۔انہوں نے یہ بات پیر کو ایم کیوایم کے مرکزنائن زیروکادورہ کرنے والے پیپلزپارٹی کے رہنماوٴں اور وفاقی وزراء خورشیدشاہ اور نویدقمرسے فون پر گفتگوکرتے ہوئے کہی۔ الطاف حسین نے پیپلزپارٹی کے وفاقی وزراء مخدوم امین فہیم، خورشیدشاہ ، مولا بخش چانڈیو اورنویدقمر کونائن زیروپر خوش آمدیدکہااوران کازبردست خیرمقدم کیا۔ انہوں نے پیپلزپارٹی کے رہنماوٴں سے کہاکہ ہم سب سندھ دھرتی کے باسی ہیں، کوئی نیاہے ، کوئی پراناہے، وقت کے ساتھ سب ہی پرانے ہوجاتے ہیں ۔ سندھ وہ دھرتی ہے جس نے اپنے دامن میں سب کوجگہ دی ہے ۔سندھ میں نئے اورپرانے سندھیوں میں کوئی فرق نہیں۔ سندھ پرسب کابرابرکاحق ہے۔ہمیں آپس کی تفریق کوختم کرناہوگااورمسائل کوافہام وتفہیم اوربات چیت کے پرامن طریقوں سے حل کرناہوگا کیونکہ لڑائی میں نہ سندھ دھرتی کابھلا ہے نہ سندھ کے باسیوں کا۔ الطاف حسین نے سندھ میں امن وہم آہنگی کی فضاء کے فروغ کیلئے پیپلزپارٹی کے رہنماوٴں کی نائن زیروآمد اور صدرآصف زرداری کی جانب سے کی جانے والی کوششوں اوراقدامات کاخیرمقدم کرتے ہوئے کہاکہ یہ کوششیں مثبت ہیں ، انہیں جار ی رہناچاہیے تاکہ محرومی کاشکارعوام کو سمجھانے میں مددمل سکے۔ الطاف حسین نے پیپلزپارٹی کے وفاقی وزراء کویقین دلایاکہ میں نے ہمیشہ سندھ دھرتی کے حقوق کیلئے عملاً آوازبلندکی ہے اورمیں آج بھی سندھ دھرتی کی یکجہتی اوراس کے حقوق کیلئے ہرقسم کی قربانی دینے کیلئے تیارہوں۔پیپلزپارٹی کے وفاقی وزرانے بھی الطاف حسین کے خیالات اور جذبات سے مکمل اتفاق کیااور انہیں یقین دلایاکہ سندھ میں امن ویکجہتی اورہم آہنگی کیلئے کوششیں جاری رکھی جائیں گی۔ دریں اثناء الطاف حسین نے پیپلزپارٹی کی رہنما فوزیہ وہاب کے صاحبزادے بیرسٹر مرتضیٰ وہاب سے ٹیلی فون پررابطہ کیا اور ان کی والدہ محترمہ فوزیہ وہاب کی خیر یت دریافت کی ۔ الطا ف حسین نے ٹیلی فون پر گفتگوکر تے ہوئے فوزیہ وہاب کے اہل خانہ سے یکجہتی کا اظہا کیا اوران کی جلد و مکمل صحت یابی کیلئے دعاکی ۔ الطا ف حسین نے پاکستانی عوام سے اپیل کی ہے کہ وہ فوزیہ وہاب کی جلد و مکمل صحت یابی کیلئے اللہ تعالیٰ کے حضور خصوصی دعائیں کریں۔