03 جنوری ، 2016 
روس شام کو انسانی امداد کی فراہمی جاری رکھے گا،روس
03 جنوری ، 2016
ماسکو ......روس کے وزیر برائے ہنگامی امور ولادی میر پوچکوو نے کہا ہے کہ روس سال 2016ء کے دوران شام کو انسانی امداد کی فراہمی جاری رکھے گا۔
روسی ذرائع ابلاغ کے مطابق ولادی میر پوچکوو نے اپنے ایک بیان میں کہا کہ نئے سال میں روس شام کے علاوہ خطے کے دیگر ممالک کو بھی امدادی اشیاء فراہم کرے گا جبکہ کیوبا، تیونس اور کیمرون سے متعلق ہیومینیٹیرین پروگراموں پر بھی عمل درآمد جاری رکھا جائے گا۔
دریں اثنا روس کی سینیٹ کی کمیٹی برائے دفاع و سلامتی کے نائب سربراہ نے کہا ہے کہ شام میں دہشت گردی کے خلاف لڑائی کا اہم موقع 2016 میں آ سکتا ہے۔ روسی میڈیا کے مطابق فرانتس کلنتسیوچ نے اپنے ایک بیان میں کہا کہ اس وقت کوئی بھی یقین سے نہیں کہہ سکتا کہ شام میں کارروائی کتنی طویل ہو سکتی ہے۔ مگر ابھی روس نے اپنی پوری قوت کا استعمال نہیں کیا ہے ۔
انہوں نے کہا کہ صاف دکھائی دے رہا ہے کہ روس شام میں کیا کر رہا ہے۔ یہ صرف روس کے ہی نہیں بلکہ مغربی ماہرین کی رائے بھی ہے۔
مزید خبریں :
روس نے یوکرین کے زیر قبضہ اہم علاقے کُرسک کو مکمل آزاد کرا لیا
27 اپریل ، 2025
کیتھولک مسیحیوں کے نئے پیشوا کا انتخاب کیسے ہوتا ہے؟
27 اپریل ، 2025
پہلگام واقعے پر بھارت کی حقائق چھپانے کی ناکام کوشش
27 اپریل ، 2025
کیتھولک مسیحیوں کے روحانی پیشوا پوپ فرانسس کی تدفین کر دی گئی
27 اپریل ، 2025
