06 جنوری ، 2016 
امریکا:دہشتگردوں کی مالی معاونت پر خاتون کو تین سال قید
06 جنوری ، 2016
واشنگٹن....... امریکا میں بوسنیا کی ایک تارک وطن خاتون کو داعش اور القاعدہ کی مالی معاونت کرنے کے جرم میں تین سال قید کی سزا سنادی گئی۔
یاسمین نے گزشتہ سال ستمبر میں دہشت گردوں کی اعانت کرنے کا اعتراف کیا تھا جس کے بعد سینٹ لوئس کی عدالت نے انہیں سزا سنائی۔یاسمین نے جج کیتھرین پیری کے سامنے شکستہ انگریزی میں بات کرتے ہوئے کہا کہ "میں نے ایک غلطی کی، میں مانتی ہوں کہ میں نے ایسا کچھ کیا جو کہ نہیں کیا جانا چاہیے تھا۔یاسمین پر دیگر چھ بوسنیائی تارکین وطن سمیت گزشتہ سال فروری میں شام و عراق میں دہشت گردوں کی اعانت کرنے کی فرد جرم عائد کی گئی تھی۔
یاسمین کے وکیل جے کرسٹین گوئیکے کا کہنا تھا کہ یاسمین کا اس معاملے میں کوئی بڑا کردار نہیں اور ان کی نیت درحقیقت صاف تھی۔ ان کے بقول یاسمین نے ٹی وی پر شام میں پناہ گزینوں کو دیکھا جن میں بچے بھی شامل تھے اور وہ ان کی مدد کرنا چاہتی تھیں۔میڈیا رپورٹ کے مطابق یاسمین کو 2006 میں امریکی شہریت دی گئی تھی۔
مزید خبریں :
بھارت میں 35 سال سے مقیم پاکستانی خاتون کو ملک چھوڑنے کا حکم
28 اپریل ، 2025
بھارت: پہلگام واقعے پر سوال اٹھانے پر متعدد مسلمان گرفتار
28 اپریل ، 2025
لندن: پاکستانی ہائی کمیشن پر حملے میں ملوث ایک شرپسند گرفتار
28 اپریل ، 2025
