پاکستان
12 مارچ ، 2016
12 مارچ ، 2016 
دہشت گردپاکستان اوراقوامِ عالم کے دشمن ہیں،شہباز شریف
12 مارچ ، 2016
لاہور…وزیراعلیٰ پنجاب محمد شہباز شریف کاکہناہےکہ دہشت گرد نہ صرف پاکستان بلکہ اقوامِ عالم کے مشترکہ دشمن ہیں،انتہاپسندی کےرجحانات کا خاتمہ فروغ تعلیم سے ہی ممکن ہے،تعلیمی نصاب میں تحمل،برداشت اور روا داری کےمضامین متعارف کرائےگئےہیں۔
وفاقی وزیرمذہبی امورسردارمحمد یوسف نےلاہورمیں وزیراعلیٰ شہبازشریف سے ملاقات کی،اس موقع پرگفتگو کرتے ہوئےوزیراعلیٰ پنجاب نےکہاکہ دہشت گردی اورانتہا پسندی کے خاتمے کیلئےقوم میں مثالی اتحاداوراتفاق پیدا ہو چکاہے۔
شہباز شریف کاکہناتھاکہ دہشت گردی کےخلاف جنگ میں ہر طبقےکا کردارانتہائی اہمیت کا حامل ہےجبکہ تحمل اور برداشت پر مبنی معاشرےکو پروان چڑھانا مسلم لیگ ن کی حکومت کامشن ہے۔
