17 مارچ ، 2016 
پرویز مشرف کی آج رات بیرون ملک روانگی کا امکان
17 مارچ ، 2016
کراچی......سابق صدر پر ویز مشرف کا آج رات بیرون ملک روانگی کا امکان ہے،نجی ایئر لائن کی پر واز ای کے 611سے دبئی روانہ ہو سکتے ہیں ۔
پرویز مشرف کی بیرون ملک روانگی کے لئے ای کے 611کی پرواز میں سیٹ بک کرالی گئی ہےاور ایئرپورٹ حکام کو پرویزمشرف کی متوقع آمد سے مطلع کردیا گیا ہے۔ذرائع کے مطابق پرویزمشرف کےلئےایئرپورٹ پرخصوصی پروٹوکول کےخصوصی انتظامات کیے جائیں گے۔
واضح رہے کہ وفاقی حکومت نے سپریم کورٹ کے فیصلے کی روشنی میںسابق صدر پر ویز مشرف کو ملک سے باہر جانے کی اجازت دی،ایک روز قبل سپریم کورٹ نے سابق صدر پر ویز مشرف کا نام ای سی ایل سے نکالنے کے معاملے پرسندھ ہائی کورٹ کا فیصلہ برقرار رکھتے ہو ئے حکومتی در خواست مسترد کردی تھی اور کہاتھا کہ حکومت پرویز مشرف کے بیرون ملک جانے کا فیصلہ خود کرے۔
مزید خبریں :
