لاہور......لاہورکےعلاقےعلامہ اقبال ٹائون میں واقع گلشن اقبال پارک میںخود کش دھماکے میںجاںبحق افرادکی تعداد38ہو گئی ہے،تاہم ایس پی ماڈل ٹائون پولیس نے25افراد کے جاںبحق ہونے کی تصدیق کی ہے۔

لاہور پولیس کے ڈی آئی جی آپریشن حیدر اشرف کے مطابق دھماکا خود کش تھا،خود کش حملہ آور نوجوان تھا جس نے خود کش بیلٹ باندھ رکھی تھی ۔ذرائع کے مطابق صرف جناح اسپتال میں34لاشیں لائی گئیں۔

ایس پی ماڈل ٹائون کے مطابق 21افراد کی لاشیں جناح اسپتال جبکہ 4افراد کی لاشیں سروسز اسپتال منتقل کی گئیں۔100سے زائد زخمی افراد شہر کے مختلف اسپتالوں میں زیر علاج ہیں،انہوں نے ہلاکتوں میں اضافے کا بھی خدشہ ظاہر کیاہے۔

عینی شاہدین کے مطابق خود کش حملہ آوور نے گلشن اقبال پارک کے مرکزی دروازے کے قریب جہاں لوگوں کی بڑی تعداد باہر نکل رہی تھی اپنے آپ کو دھماکے سے اڑالیا ،جاںبحق افراد میں بچے اور خواتین بھی شامل ہیں۔

دھماکے کے بعد پولیس اور دیگر سیکیورٹی اہلکاروں سمیت پاک آرمی کے جوان بھی جائے وقوع پر پہنچ گئے اور پورے علاقے کو گھیرے میں لےکر جاںبحق اور زخمیوں کو شیخ زید اسپتال،جناح اسپتال ،سروسز اسپتال سمیت قریب واقع اسپتالوں میںمنتقل کرایا۔

اسپتالوں میں ایمرجنسی نافذ کردی گئی ہے جبکہ شہریوں سے خون کے عطیات کی بھی اپیل کی گئی ہے۔اسپتال ذرائع کے مطابق زخمیوں میں شدید زخمی بھی موجود ہیںاور ہلاکتوں میں اضافے کا خدشہ ہے۔