پاکستان
11 جون ، 2012
11 جون ، 2012 
پاکستان کے بالائی علاقوں میں یکے بعد دیگرے زلزلے کے جھٹکے
11 جون ، 2012
اسلام آباد… پاکستان کے بالائی علاقوں میں آج درمیانے درجے کے زلزلے کے جھٹکے محسوس کئے گئے، یہ زلزلہ تقریبا نصف گھنٹے کے وقفے سے دوبار آیا ، اسکا مرکز افغانستان کا کوہ ہندوکش ریجن تھا۔ محکمہ موسمیات کے زلزلہ پیما مرکز کے مطابق زلزلے کے پہلے جھٹکے ، پاکستانی وقت کے مطابق دن 10 بج کر 2 منٹ پر محسوس کئے گئے، ریکٹر اسکیل پر اس کی شدت 5 اعشاریہ 4 تھی ، پھر تقریبا 27 منٹ بعد دوبارہ اسی جگہ زلزلہ آیا جو کی سطح زمین سے صرف دس کلومیٹر گہرائی سے آیا، ریکٹر اسکیل پر اس کی شدت 5 اعشاریہ 8 تھی ، اس زلزلے کے جھٹکے، پشاور، چترال، دیر ، سوات ، ایبٹ آباد، اسلام آباد سمیت ملحقہ مقامات پر محسوس کئے گئے۔
