ممبئی…این جی ٹی…ہدایتکار و پر وڈیوسرودھو ونو د چوپڑا کی نئی فلم فراری کی سواری کی ریلیز کے دن جیسے جیسے قریب آرہے ہیں فلم کی تشہیری مہم زور پکڑتی جارہی ہے۔Iifoایوارڈز کے لیے گذشتہ دنوں پورا بالی ووڈ سنگاپور پہنچا ہوا تھا لہٰذا فلم کے پروڈیوسر اور کاسٹ نے پروموشن کے لیے یہ موقع ہاتھ سے جانے نہیں دیا ۔سنگاپور میں موجود فلم کے ہدایتکار و پروڈیوسر ودھو ونود ہیرو شرمن جوشی اور بومن ایرانی کے ہمراہ سنگاپور میں فارمولا ون کے ٹریک پر پہنچ گئے اور فراری گاڑی میں تفریحی ریس لگاتے ہوئے"فراری کی سواری"کو شاندار انداز میں پروموٹ کیا۔واضح رہے کہ منا بھائی ایم بی بی ایس اور تھری ایڈیٹس سے بالی ووڈ میں تہلکہ مچانے والے فلمساز و ہدایتکار ودھو ونود چوپڑا کی اس فلم میں تھری ایڈیٹس کے اہم کردار شرمن جوشی پہلی بار بطور سولو ہیروجلوہ گر ہورہے ہیں جن میں انکے ساتھ بومن ایرانی اہم کردار ادا کررہے ہیں۔ کرکٹ اور باپ بیٹا کی محبت کے مو ضوع پر بنائی گئی یہ فلم فراری کی سواری15جون کو سینما گھروں کی زینت بن رہی ہے۔